Эрхтэн шилжүүлэн суулгуулагсдын спортын тоглолт

Энэ тоглолт нь эрхтэн шилжүүлэн суулгах эмчилгээг хэрэгжүүлдэг эмч, сувилагчид, энэ эмчилгээний дүнд эрүүлжиж, нийгмийн идэвхитэй гишүүн болж яваа иргэдийн хамтын уулзалт нэгдмэл үйл ажиллагаа юм. Ингэж хамтран ажилласнаар бидэнд тулгардаг болон бидэнтэй адил хувь тавилантай олон иргэнд тулгарах зовлон зүдгүүрийг хөнгөлж, архаг хүнд өвчтэй хүмүүст туслах хамтын зорилготой. Бид дуугарвал дуу нэг, дугтарвал хүч нэг байх ёстой.  Бидний туулж өнгөрүүлсэн хүнд бэрхийг бусдад эдлүүлэхийг бид хүсэхгүй. Бид хамтран ажиллаж шинэчлэлт, хөгжил дэвшлийг ойртуулна.

Энэ тоглолт нь олон нийтийн мэдээллийн хэрэгслийг эрхтэн шилжүүлэн суулгах эмчилгээ, энэ эмчилгээний үр дүнд нийгэмд эргэж ирсэн, амьдралаа шинээр эхэлсэн  хүмүүсийн зүгт хандуулах нэгэн өвөрмөц арга мөн. Спортын тоглолт нь бид нийгэмд ямар амжилтанд хүрч болох нөөц бололцоо байгааг биеийн тамир спортоор дамжуулан илэрхийлэх, өөрсдийн эрүүл эерэг эрчмээ  түмэн олонд түгээх нэгэн арга мөн.

Энэ ажиллагааны үр дүнд олон мянган иргэд дээрх эмчилгээний нийгмийн ач холбогдолыг улам гүнзгий ойлгон дэмжиж, бусдад амьдрал бэлэглэх ахан дүүс бидний эгнээнд олноороо нэгдэн орно гэж итгэж байна.  Энэ тоглолт нь адил төстэй хувь заяаг эдэлж, туулж яваа сэтгэл зүйн хаттай, амьдралыг хайрлаж үнэ цэнийг нь илүү мэдэрсэн тэр хүмүүсийн уулзалт, санал сэтгэгдлээ илэрхийлэх чөлөөт индэр болно.

Манай оронд энэхүү тоглолтыг санаачлагч доктор Морис Слапак нь эрхтэн шилжүүлэн суулгах эмчилгээг дэлхий дахинд үндэслэгчдийн нэг бөгөөд энэхүү спортын тоглолтыг анх санаачлагч, үндэслэн байгуулагч, эрхтэн шилжүүлэн суулгуулсдын спортын тоглолтын Дэлхийн холбооны анхны тэргүүн, хүндэт Ерөнхийлөгч нь билээ.

Энэ тоглолтыг анх 1978 онд Англи улсын Уэссекс муж­ид зохион байгуулснаас хойш олон улс орнуудад ийм тоглолт явагдаж дэлхий дахинд 16 удаа зохион байгуулагджээ. Эрхтэн шилжүүлэн суулгуулсан иргэдийн дэлхийн 17 дугаар тоглолт Австрали Улсын Алтан эрэг хэмээх газар 2009 оны 8-р сарын 9-17-ны өдрүүдэд зохиогдожээ.


Спортын наадмын зорилго зорилтууд:

  • Эрхтэн шилжүүлэн суулгах эмчилгээний амьдрал бэлэглэгч, амьдрахуйн чанарыг сэргээгч амжилт үр дүнг олон нийтэд сурталчлан таниулах
  • Хүнд өвчнийг ялан дийлсний, цаашид олон жил эрүүл энх аж төрөхийн ерөөлийг бэлэгдсэн баярыг гэр орныхон, ачтан донорууд, ахан дүүс, эмч, сувилагчидтайгаа хамтран ураг төрлийн баяр болгон тэмдэглэх
  • Эрүүл биеийнхээ “эх” хэсгийг хуваан өгч өөрийн төрөл садан, дотны хүндээ амьдрал бэлэглэсэн доноруудын баатарлаг алдрыг магтан дуулах
  • Энэхүү эмчилгээг хийлгэсэн иргэд биеийн тамир спортоор хичээллэж эрүүл мэндээ сэргээх, хамгаалах арга ухааныг дэмжих
  • Эрхтэн шилжүүлэн суулгах эмчилгээнд олон нийтийн анхаарлыг хандуулах, эмчилгээний энэ аргын тухай мэдлэг эзэмшүүлэх
  • Энэ эмчилгээг хийлгэхээр хүлээж байгаа өвчтөнүүдэд туслах, эрхтэний донор болох хөдөлгөөнийг сурталчлах, дэмжин дэлгэрүүлэх
  • Эрхтэн шилжүүлэн суулгах эмчилгээнд олон нийтийн анхаарлыг хандуулах, эмчилгээний энэ аргын тухай мэдлэг эзэмшүүлэх
  • Энэ эмчилгээг хийлгэхээр хүлээж байгаа өвчтөнүүдэд туслах, эрхтэний донор болох хөдөлгөөнийг сурталчлах, дэмжин дэлгэрүүлэх

Эрхтэн шилжүүлэн суулгуулагсдын спортын тоглолтын түүхээс

1978 оны 8 дугаар сарын 20-ны нарлаг сайхан өдөр Английн Портсмоус хотод эрхтэн шилжүүлэн суулгуулагсдын тоглолт эхэлсэн түүхтэй. Энэ тоглолтонд Англи, АНУ, Франц, Ирланд зэрэг 4 орны 100 орчим хүмүүс оролцсон түүхтэй. Эрхтэн шилжүүлэн суулгуулагсдын спортын тоглолт хийх санаачлагыг доктор Моррис Слапак анх санаачилсан бөгөөд энэхүү арга хэмжээг түүний оуюн санааны бүтээл, үр ургац гэж үздэг билээ.

1978 онд Англи Улсад зохиогдсон анхны тоглолтын нээлтийн ажиллагаа

Энэ тоглолтын гол зорилго нь эрхтэн шилжүүлэн суулгуулагсад энэ эмчилгээний дараа хэрхэн эрүүлждэг, биеийн тамир спортоор хичээллэдэг, нийгэмд идэвхитэй байр суурь баримталдаг гэдгийг нотлон харуулах зорилготой байв. Энэ тоглолтын явцад дэлхий дээр олон арван мянган хүн эрхтэн шилжүүлэн суулгуулах эмчилгээ хийлгэх шаардлагатай, эрхтэн хүлээх дараалалд бүртгүүлэн, шилжүүлэн суулгах эрхтэн олдох боловуу хэмээн найдаж суугаа гэдгийг олон түмэнд зарлан мэдээлсэн болно.

Энэ үеээс л хүнд бэлэглэж болох хамгийн чухал хамгийн нандин бэлэглэл бол амьдрал хайрлагч амин эрхтэнээ хуваалцах, хандивлах явдал мөн гэж уриалан дуудаж эхэлжээ.

Тэрхүү 1978 оны халуун өдрүүдээс хойш бид урт замын туулж, олон улс оронд төрөл бүрийн тэмцээн уралдааныг тогтмол зохион байгуулж ирлээ. 1987 онд эрхтэн шилжүүлэн суулгуулагсдын спортын тоглолтын холбоо байгуулагдаж дэлхийн 60 гаруй улс гишүүнээр элссэн байна. Эдгээр гишүүн орнууд тус бүр өөрсдийн спортын наадмыг зохион явуулдаг болсон байна.
Спортын энэ тоглолт нь дэлхий дахинд эрхтэн шилжүүлэн суулгах эмчилгээг дэмжин хөгжүүлэх, энэхүү эмчилгээнд хамрагдагсдын эрүүл мэнд, амьдрахуйн чанарыг биеийн тамир, спорт, идэвихтэй дасгал хөдөлгөөний аргаар сайжруулахад үнэлж баршгүй хувь нэмрээ оруулсан үйл явдал мөн.     

Дэлхийн эрхтэн шилжүүлэн суулгуулагсдын сүүлийн 20 дахь тоглолт  2015 оны 8-р сард Аргентин улсын  Mar Del Plata хэмээх газар зохион байгуулагдсан бөгөөд 69 орны 1500 гаруй тамирчид оролцжээ. Дараагийн эрхтэн шилжүүлэн суулгуулагсдын 21-р тоглолт 2017 онд Испани улсад зохион байгуулагдахаар товлогдсон байна.

Эрхтэн шилжүлэн суулгуулагсдын Aнхдугаар тоглолт

2008 онд зохиогдсон Эрхтэн шилжүлэн суулгуулагсдын анхдугаар тоглолтын ерөнхий дүн


1. 100 м гүйлт (эрэгтэй) – Нийт оролцогч 13 тамирчин

  • Н. Түвшинтөр 11,77 сек
  • Жинхбат 12,56 сек
  • Ц. Цогбадрах 12,73 сек

2. 60 м гүйлт (эмэгтэй) – Нийт оролцогч 4 тамирчин

  • У. Баяраа 14,47 сек
  •  Г. Оюун- Эрдэнэ 12,83сек
  •  З. Ариунболд 16,66 сек

3. Буухиа гүйлт – Нийт оролцогч 3 баг

  • Жинхбат ахлагчтай Донор 29,83 сек
  • Н. Наранжаргал ахлагчтай Реципиент 30,84 сек
  • Н. Түвшинтөр ахлагчтай Диализ 36,05 сек

 4. Сагсан бөмбөг (эрэгтэй) – Нийт оролцогч 16 баг

  • Баасан
  • Тулгаа
  • Энхтөр

5. Сагсан бөмбөг (эмэгтэй) – Нийт оролцогч 6 баг

  • Нямцэвээн
  • Баянжаргал
  • Наранцэцэг

6. Гахай цохих (эрэгтэй) – Нийт оролцогч 5 баг

  • С. Өлзийсайхан
  •  Бямбажав
  • Шадав

7. Гахай цохих (эмэгтэй) – Нийт оролцогч 4 баг

  • Нямцэвээн ахлагчтай I-р баг
  • Оюун-Эрдэнэ ахлагчтай
  • Гансүх ахлагчтай эмч нарын баг

8. Одон бөмбөг (эрэгтэй) – Нийт оролцогч 7 баг

  • Батболд
  • Гансүх

9. Одон бөмбөг (эмэгтэй) – Нийт оролцогч 9 баг

  • Мөнхтуяа
  • Баярмаа
  • Гантуяа

10. Гранд гольф – Нийт оролцогч 10 тамирчин

  • С. Өлзийсайхан
  • Бямбажав
  • Шадав

11. Хийн буудлага– Нийт оролцогч 35 тамирчин

  • Түвшинтөр
  • Хишигням
  • Батжаргал

12. Шагайн харваа – Нийт оролцогч 16 тамирчин

  • Д.Бат – Эрдэнэ
  • У. Цогбадрах
  • О. Энхтөр

12. Олс таталт (эрэгтэй) – Бүх оролцогчид

  • Батболд ахлагчтай
  • Наранбаатар ахлагчтай
  • Баярмагнай ахлагчтай

13. Олс таталт (эмэгтэй) – Бүх оролцогчид

  • Ганчимэг ахлагчтай
  • Оюунбилэг ахлагчтай

14. Дартс

  • Наранбаатар
  • Алтанцоож

Зургийн цомог 2008

2008 онд зохиогдсон Эрхтэн шилжүүлэн суулгуулагсдын Анхдугаар тоглолтын дурсгалт мөчүүд

Санал хүсэлт